Triveni Stotram
muktamalankritamudraveni
bhaktabhayatranasubaddhaveni |
mattaligunjanmakarandaveni
shrimatprayage jayati triveni || 1 ||
lokatraishvaryanidanaveni
tapatrayocchadanabad dhaveni |
dharmarthakamakalanaikaveni
shrimatprayage jayati triveni || 2 ||
muktanganamohanasiddhaveni
bhaktantaranandasubodh aveni |
vrittantrodyegavivekaveni
shrimatprayage jayati triveni || 3 ||
dugodh isphurjabhadraveni
nilabhra shobhalalita cha veni |
svarnaprabh bhasuramadhyaveni
shrimatprayage jayati triveni || 4 ||
vishveshvarottungakapardiveni
virinchivishnupratataikaveni |
trayipuran surasardhaveni
shrimatprayage jayati triveni || 5 ||
mangalyasampattisamriddhaveni
matrantarnyasthanidanaveni |
paramarapatakahari veni
shrimatprayage jayati triveni || 6 ||
nimajadanunmajamanu shy aveni
trayodayobhagyavivekaveni |
vimuktajanavibhavaikaveni
shrimatprayage jayati triveni || 7 ||
saundaryaveni surasardhaveni
madhuryaveni mahaniyaveni |
ratanaikaveni ramaniyaveni
shrimatprayage jayati triveni || 8 ||
sarasvatakaravighataveni
kalindakanyamayalakshyaveni |
bhagirathirupamaheshaveni
shrimatprayage jayati triveni || 9 ||
shrimadbhavanibhavanaikaveni
lakshmisarasvatyabhimanaveni |
mata triveni trayiratnaveni
shrimatprayage jayati triveni || 10 ||
trivenidashakam stotram pratarnityam pathenarabh |
tasya veni prasannasyad vishnulokam sa gacchati || 11 ||
See the Sanskrit source
Sanskrit source
मुक्तामयालङ्कृतमुद्रवेणी भक्ताभयत्राणसुबद्धवेणी ।
मत्तालिगुञ्जन्मकरन्दवेणी श्रीमत्प्रयागे जयति त्रिवेणी ॥ १ ॥
लोकत्रयैश्वर्यनिदानवेणी तापत्रयोच्चाटनबद्धवेणी ।
धर्मार्थकामाकलनैकवेणी श्रीमत्प्रयागे जयति त्रिवेणी ॥ २ ॥
मुक्ताङ्गनामोहनसिद्धवेणी भक्तान्तरानन्दसुबोधवेणी ।
वृत्त्यन्तरोद्वेगविवेकवेणी श्रीमत्प्रयागे जयति त्रिवेणी ॥ ३ ॥
दुग्धोदधिस्फूर्जसुभद्रवेणी नीलाभ्रशोभाललिता च वेणी ।
स्वर्णप्रभाभासुरमध्यवेणी श्रीमत्प्रयागे जयति त्रिवेणी ॥ ४ ॥
विश्वेश्वरोत्तुङ्गकपर्दिवेणी विरिञ्चिविष्णुप्रणतैकवेणी ।
त्रयीपुराणा सुरसार्धवेणी श्रीमत्प्रयागे जयति त्रिवेणी ॥ ५ ॥
माङ्गल्यसम्पत्तिसमृद्धवेणी मात्रान्तरन्यस्तनिदानवेणी ।
परम्परापातकहारिवेणी श्रीमत्प्रयागे जयति त्रिवेणी ॥ ६ ॥
निमज्जदुन्मज्जमनुष्यवेणी त्रयोदयोभाग्यविवेकवेणी ।
विमुक्तजन्माविभवैकवेणी श्रीमत्प्रयागे जयति त्रिवेणी ॥ ७ ॥
सौन्दर्यवेणी सुरसार्धवेणी माधुर्यवेणी महनीयवेणी ।
रत्नैकवेणी रमणीयवेणी श्रीमत्प्रयागे जयति त्रिवेणी ॥ ८ ॥
सारस्वताकारविघातवेणी कालिन्दकन्यामयलक्ष्यवेणी ।
भागीरथीरूपमहेशवेणी श्रीमत्प्रयागे जयति त्रिवेणी ॥ ९ ॥
श्रीमद्भवानीभवनैकवेणी लक्ष्मीसरस्वत्यभिमानवेणी ।
माता त्रिवेणी त्रयीरत्नवेणी श्रीमत्प्रयागे जयति त्रिवेणी ॥ १० ॥
त्रिवेणीदशकं स्तोत्रम् प्रातर्नित्यं पठेन्नरः ।
तस्य वेणी प्रसन्ना स्याद्विष्णुलोकं स गच्छति ॥ ११ ॥