Shri Ravi Stuti (Trideva Krutam)
dritrivam devadevasya rupam bhanormahatmanah |
vismayotphullanayanastustavaste divakaram || 1 ||
kritanjaliputo bhutva brahma stotum prachakrame |
pranamya shirasa bhanumidam vachanamabravit || 2 ||
brahmuvacha |
namaste devadevesha sahasrakiranojjvala |
lokadipa namastvu namaste konavallabha || 3 ||
bhaskaraya namo nityam khasholkaya namo namah |
vishnave kalachakraya somayamitategase || 4 ||
namaste panchakalaya indraya vasuretase |
khagaya lokanathaya eka chakrarathaya cha || 5 ||
jagadhitaya devaya shivayamitategase |
tamoghanaya surupaya tejasam nidhaye namah || 6 ||
arthaya kamarupaya dharmayamitategase |
mokshaya moksharupaya suryaya cha namo namah || 7 ||
krodhalobhavihinaya lokanam sthitihetave |
shubhaya shubharupaya shubhadaya shubhatmane || 8 ||
shantaya shantarupaya shantayasmai vai namah |
namaste brahmarupaya brahmanaya namo namah || 9 ||
brahmadevaya brahmarupaya brahmane paramatmane |
brahmane cha prasadam vai kura deva jagatpate || 10 ||
evam stutva ravin brahma shraddhaya paraya vibho |
tushnimasinmahabhaga prahrishtenantarmanah || 11 ||
brahmanantaram rudrah stotram chakre vibhavasoh |
tripurarirmahatejah pranamya shirasa ravim || 12 ||
mahadev uvacha |
jaya bhava jayajeya jaya hansa divakara |
jaya shambho mahabaho khaga gocara bhuadhara || 13 ||
jaya lokapradevena jaya bhano jagatpate |
jaya kala jayamanta samvatsara shubhanana || 14 ||
jaya devavaditeh putra kashyapananda vardhana |
tamoghana jaya saptesh jaya saptashvavahana || 15 ||
grahesh jaya kantish jaya kalisha shankara |
arthakamesh dharmesh jayamokshesh sharmada || 16 ||
jaya vedangarupaya graharupaya vai gatah |
satyaya satyarupaya surupaya shubhaya cha || 17 ||
krodhalobhavinashaya kamanashaya vai jaya |
kalmashapakshirupaya yatirupaya shambhave || 18 ||
vishvaya vishvarupaya vishvakarmaya vai jaya |
jayomkara vashatkara svahakara svadhaya cha || 19 ||
jayashvamedharupaya chagniruparyamaya cha |
samsararnavapitaya mokshadwarapradaya cha || 20 ||
samsararnavamagnasya mama deva jagatpate |
hastavalambano deva bhava tvam gopateadbhuta || 21 ||
ishopyevaminehangam stutva bhanum prayatnatah |
viraraja maharaja pranamya shirasa ravim || 22 ||
atha vishnurmahatejah kritanjaliputo ravim |
uvacha rashardhula bhaktya shraddhasamanvitah || 23 ||
vishnuruvacha |
namami devadevasham bhutabhavanamavyayam |
divakaram ravim bhanum martandam bhaskaram bhagam || 24 ||
indram vishnum harim hamsamarkam lokagurum vibhum |
trinetram tryaksharam tryangam trimurtim trigatim shubham || 25 ||
shanmukhaya namo nityam trinetraya namo namah |
chaturvimshatipadaya namo dvadashapanine || 26 ||
namaste bhutapataye lokanam pataye namah |
devanam pataye nityam varnanam pataye namah || 27 ||
tvam brahma tvam jagannatho rudrastva cha prajapatih |
tvam somastva tathadityastvamomkaraka eva hi || 28 ||
brihaspatirbudhastva hi tvam shukrastva vibhavasuh |
yamastva varunastva hi namaste kashyapatmajaha || 29 ||
tvayata tatamidam sarvam jagat sthavarajangamam |
tvatta eva samutpannam sadevasuramanusham || 30 ||
brahma cha aham cha rudrashcha samutpanna jagatpate |
kalpadau tu pura deva sthitaye jagato anagha || 31 ||
namaste vedarupaya ahrupaya vai namah |
namaste jnanarupaya yajnaya cha namo namah || 32 ||
prasidhasmasu devisha bhutesha kiranajnjvala |
samsararnavamagnanam prasadam kura gopate |
vedantaya namo nityam namo yajñakalaya cha || 33 ||
See the Sanskrit source
Sanskrit source
दृष्ट्वैवं देवदेवस्य रूपं भानोर्महात्मनः ।
विस्मयोत्फुल्लनयनास्तुष्टवुस्ते दिवाकरम् ॥ १ ॥
कृताञ्जलिपुटो भूत्वा ब्रह्मा स्तोतुं प्रचक्रमे ।
प्रणम्य शिरसा भानुमिदं वचनमब्रवीत् ॥ २ ॥
ब्रह्मोवाच ।
नमस्ते देवदेवेश सहस्रकिरणोज्ज्वल ।
लोकदीप नमस्तेऽस्तु नमस्ते कोणवल्लभ ॥ ३ ॥
भास्कराय नमो नित्यं खषोल्काय नमो नमः ।
विष्णवे कालचक्राय सोमायामिततेजसे ॥ ४ ॥
नमस्ते पञ्चकालाय इन्द्राय वसुरेतसे ।
खगाय लोकनाथाय एकचक्ररथाय च ॥ ५ ॥
जगद्धिताय देवाय शिवायामिततेजसे ।
तमोघ्नाय सुरूपाय तेजसां निधये नमः ॥ ६ ॥
अर्थाय कामरूपाय धर्मायामिततेजसे ।
मोक्षाय मोक्षरूपाय सूर्याय च नमो नमः ॥ ७ ॥
क्रोधलोभविहीनाय लोकानां स्थितिहेतवे ।
शुभाय शुभरूपाय शुभदाय शुभात्मने ॥ ८ ॥
शान्ताय शान्तरूपाय शान्तयेऽस्मासु वै नमः ।
नमस्ते ब्रह्मरूपाय ब्राह्मणाय नमो नमः ॥ ९ ॥
ब्रह्मदेवाय ब्रह्मरूपाय ब्रह्मणे परमात्मने ।
ब्रह्मणे च प्रसादं वै कुरु देव जगत्पते ॥ १० ॥
एवं स्तुत्वा रविं ब्रह्मा श्रद्धया परया विभो ।
तूष्णीमासीन्महाभाग प्रहृष्टेनान्तरात्मना ॥ ११ ॥
महादेव उवाच ।
ब्रह्मणोऽनन्तरं रुद्रः स्तोत्रं चक्रे विभावसोः ।
त्रिपुरारिर्महातेजाः प्रणम्य शिरसा रविम् ॥ १२ ॥
जय भाव जयाजेय जय हंस दिवाकर ।
जय शम्भो महाबाहो खग गोचर भूधर ॥ १३ ॥
जय लोकप्रदीपेन जय भानो जगत्पते ।
जय काल जयाऽनन्त संवत्सर शुभानन ॥ १४ ॥
जय देवाऽदितेः पुत्र कश्यपानन्दवर्धन ।
तमोघ्न जय सप्तेश जय सप्ताश्ववाहन ॥ १५ ॥
ग्रहेश जय कान्तीश जय कालेश शङ्कर ।
अर्थकामेश धर्मेश जय मोक्षेश शर्मद ॥ १६ ॥
जय वेदाङ्गरूपाय ग्रहरूपाय वै गतः ।
सत्याय सत्यरूपाय सुरूपाय शुभाय च ॥ १७ ॥
क्रोधलोभविनाशाय कामनाशाय वै जय ।
कल्माषपक्षिरूपाय यतिरूपाय शम्भवे ॥ १८ ॥
विश्वाय विश्वरूपाय विश्वकर्माय वै जय ।
जयोङ्कार वषट्कार स्वाहाकार स्वधाय च ॥ १९ ॥
जयाश्वमेधरूपाय चाग्निरूपार्यमाय च ।
संसारार्णवपीताय मोक्षद्वारप्रदाय च ॥ २० ॥
संसारार्णवमग्नस्य मम देव जगत्पते ।
हस्तावलम्बनो देव भव त्वं गोपतेऽद्भुत ॥ २१ ॥
ईशोऽप्येवमहीनाङ्गं स्तुत्वा भानुं प्रयत्नतः ।
विरराज महाराज प्रणम्य शिरसा रविम् ॥ २२ ॥
विष्णुरुवाच ।
अथ विष्णुर्महातेजाः कृताञ्जलिपुटो रविम् ।
उवाच राजशार्दूल भक्त्या श्रद्धासमन्वितः ॥ २३ ॥
नमामि देवदेवेशं भूतभावनमव्ययम् ।
दिवाकरं रविं भानुं मार्तण्डं भास्करं भगम् ॥ २४ ॥
इन्द्रं विष्णुं हरिं हंसमर्कं लोकगुरुं विभुम् ।
त्रिनेत्रं त्र्यक्षरं त्र्यङ्गं त्रिमूर्तिं त्रिगतिं शुभम् ॥ २५ ॥
षण्मुखाय नमो नित्यं त्रिनेत्राय नमो नमः ।
चतुर्विंशतिपादाय नमो द्वादशपाणिने ॥ २६ ॥
नमस्ते भूतपतये लोकानां पतये नमः ।
देवानां पतये नित्यं वर्णानां पतये नमः ॥ २७ ॥
त्वं ब्रह्मा त्वं जगन्नाथो रुद्रस्त्वं च प्रजापतिः ।
त्वं सोमस्त्वं तथादित्यस्त्वमोङ्कारक एव हि ॥ २८ ॥
बृहस्पतिर्बुधस्त्वं हि त्वं शुक्रस्त्वं विभावसुः ।
यमस्त्वं वरुणस्त्वं हि नमस्ते कश्यपात्मज ॥ २९ ॥
त्वया ततमिदं सर्वं जगत् स्थावरजङ्गमम् ।
त्वत्त एव समुत्पन्नं सदेवासुरमानुषम् ॥ ३० ॥
ब्रह्मा चाहं च रुद्रश्च समुत्पन्ना जगत्पते ।
कल्पादौ तु पुरा देव स्थितये जगतोऽनघ ॥ ३१ ॥
नमस्ते वेदरूपाय अह्नरूपाय वै नमः ।
नमस्ते ज्ञानरूपाय यज्ञाय च नमो नमः ॥ ३२ ॥
प्रसीदास्मासु देवेश भूतेश किरणोज्ज्वल ।
संसारार्णवमग्नानां प्रसादं कुरु गोपते ।
वेदान्ताय नमो नित्यं नमो यज्ञकलाय च ॥ ३३ ॥