Surya Upanishad
om bhadram karnebhih shrnuyama devah | bhadram pashyemakshabhiryajatrah | sthirairangai stuvagmasa stanubhih | vyashema devahitam yadayuh | svasti na indro viddhashravah | svasti nah pusha vishvedevah | svasti nastarkshyo arishthanemih | svasti no brihaspatirdadhatu ||
om shantih shantih shantih ||
om atha suryatharvangirasam vyakhyasyamah | brahma rishih | gayatri chandah | adityo devata | hamso vahamagranarayana yuktam bijam | hrllekha shakti | vyadadi sargasamyuktam kilakam | chaturvidha purushartha siddhyarthe viniyogah |
shatsvararudhina bijena shadangam raktambujasamsthitam saptashvarathinam hiranyavarnam chaturbhujam padmadvyabhayavaradahastam kalachakrapranetaram shrisuryanarayanam ya evam veda sa vai brahmanah ||
om bhurbhuvah suh | tatsaviturvarenyam bhargo devasya dhimahi | dhiyo yo nah prachodayat |
surya atma jagatastasthushcha |
suryadvai khvalimani bhutani jayante |
suryadyajnah parjanyo amnatma |
namaste aditya | tvameva pratyaksham karma kartasi | tvameva pratyaksham brahmasi | tvameva pratyaksham vishnurasi | tvameva pratyaksham rudro asi | tvameva pratyakshamrigasi | tvameva pratyaksham yajurasi | tvameva pratyaksham samasi | tvameva pratyaksham atharvasi | tvameva sarvam chandosi |
adityadvayurjayate | adityadbhumirjayate | adityadapo jayante | adityadyotirjayate | adityadvyoma disho jayante | adityaddava jayante | adityaddveda jayante |
adityo va esha etanmandalam tapati | asavasuryo brahma | adityo antahakarana manobuddhi chittamkarah | adityo vai vyana samanodanapranah |
adityo vai shrotra tvak chakshurasanghranah | adityo vai vakpanipadapayuupasthah | adityo vai shabdasparsharuparasagandhah |adityo vacanadanagamanavisarganandah |anandamayo vijanamayo vijananaghana adityah |namo mitraya bhanave mrtyorma pahi | bhajishnave vishhahetave namah |
suryadbhavanti bhutani surena palitani tu |surye layam prapnuvanti yah suryah so aham eva cha |
chakshurno devah savita chakshurna uta paravatah | chakshurdhata dadhatu nah |
adityayavidmahe sahasrakirnayadhima hi | tannah suryah prachodayat |
sativa pashchat tata savita purastata savitottarata tata savitadharata tata | savita nah savatu sarvatah atigam | savita no rasatam dirghamayuh |
omityekaksharam brahma | ghriritiridve akshare | surya ityaksharadvayam | aditya iti trinyaksharani | etasyaiva suryasyashtaksharo manuh |
yah sadaharahahar japati sa vai brahmanoh bhavati sa vai brahmanoh bhavati |suryabhimukho japtva mahavyadhi bhayata pramucyate |alakshmirnashyati |abhakshya bhakshanata putobhavati |agamyagamanata putobhavati |patitasambhashanata putobhavati |asat sambhashanata putobhavati |asat sambhashanataputobhavati |
madhyahne suryabhimukah patheh |sadyotpannapanchamahapatakaat pramucyate |saisha saitrividya na kinchidapi na kasmaicita prashamsayeta |ya etam mahabhagah pratah pathati sa bhagyavan jayate | pashum vindati | vedartham labhate | trikalameit japtva kratu shata phalamavapnoti | hastadityai japati sa mahamrityum tarati sa mahamrityum tarati ya evam veda |ityupanishat ||
om bhadram karnebhih shrnuyama devah | bhadram pashyemakshabhiryajatrah | sthirairangai stuvagmasa stanubhih | vyashema devahitam yadayuh | svasti na indro viddhashravah | svasti nah pusha vishvedevah | svasti nastarkshyo arishthanemih | svasti no brihaspatirdadhatu ||
om shantih shantih shantih ||
See the Sanskrit source
Sanskrit source
ॐ भद्रं कर्णेभिः शृणुयाम देवाः । भद्रं पश्येमाक्षभिर्यजत्राः । स्थिरैरङ्गैस्तुष्टुवाग्ं सस्तनूभिः । व्यशेम देवहितं यदायुः । स्वस्ति न इन्द्रो वृद्धश्रवाः । स्वस्ति नः पूषा विश्वेदेवाः । स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥
ॐ अथ सूर्याथर्वाङ्गिरसं व्याख्यास्यामः । ब्रह्मा ऋषिः । गायत्री छन्दः । आदित्यो देवता । हंसो ऽहमग्निनारायण युक्तं बीजम् । हृल्लेखा शक्तिः । व्यदादिसर्गसंयुक्तं कीलकम् । चतुर्विधपुरुषार्थ सिद्ध्यर्थे विनियोगः ।
षट्स्वरारूढेन बीजेन षडङ्गं रक्ताम्बुजसंस्थितं सप्ताश्वरथिनं हिरण्यवर्णं चतुर्भुजं पद्मद्वयाऽभयवरदहस्तं कालचक्रप्रणेतारं श्रीसूर्यनारायणं य एवं वेद स वै ब्राह्मणः ।
ॐ भूर्भुवः सुवः । तत्सवितुर्वरेण्यं भर्गो देवस्य धीमहि । धियो यो नः प्रचोदयात् । सूर्य आत्मा जगतस्तस्थुश्च । सूर्याद्वै खल्विमानि भूतानि जायन्ते । सूर्याद्यज्ञः पर्जन्यो ऽम्नात्मा ।
नमस्ते आदित्य । त्वमेव प्रत्यक्षं कर्म कर्तासि । त्वमेव प्रत्यक्षं ब्रह्मासि । त्वमेव प्रत्यक्षं विष्णुरसि । त्वमेव प्रत्यक्षं रुद्रो ऽसि । त्वमेव प्रत्यक्षमृगसि । त्वमेव प्रत्यक्षं यजुरसि । त्वमेव प्रत्यक्षं सामासि । त्वमेव प्रत्यक्षमथर्वासि । त्वमेव सर्वं छन्दोऽसि । आदित्याद्वायुर्जायते । आदित्याद्भूमिर्जायते । आदित्यादापो जायन्ते । आदित्याज्ज्योतिर्जायते । आदित्याद्व्योम दिशो जायन्ते । आदित्याद्देवा जायन्ते । आदित्याद्वेदा जायन्ते । आदित्यो वा एष एतन्मण्डलं तपति । असावादित्यो ब्रह्म । आदित्योऽन्तःकरण मनोबुद्धि चित्ताहङ्काराः । आदित्यो वै व्यानः समानोदानो ऽपानः प्राणः । आदित्यो वै श्रोत्र त्वक् चक्षूरसन्घ्राणाः । आदित्यो वै वाक्पाणिपादपायूपस्थाः । आदित्यो वै शब्दस्पर्शरूपरसगन्धाः । आदित्यो वै वचनादानागमन विसर्गानन्दाः । आनन्दमयो विज्ञानमयो विज्ञानघन आदित्यः । नमो मित्राय भानवे मृत्योर्मा पाहि । भ्राजिष्णवे विश्वहेतवे नमः ।
सूर्याद्भवन्ति भूतानि सूर्येण पालितानि तु । सूर्ये लयं प्राप्नुवन्ति यः सूर्यः सोऽहमेव च । चक्षुर्नो देवः सविता चक्षुर्न उत पर्वतः । चक्षुर्धाता दाधातु नः ।
आदित्याय विद्महे सहस्रकिरणाय धीमहि । तन्नः सूर्यः प्रचोदयात् ।
सविता पश्चात्तात् सविता पुरस्तात् सवितोत्तरात्तात् सविताऽधरात्तात् । सविता नः सुवतु सर्वतातिगं सविता नो रासतां दीर्घमायुः ।
ॐमित्येकाक्षरं ब्रह्म । घृणिरिति द्वे अक्षरे । सूर्य इत्यक्षरद्वयम् । आदित्य इति त्रीण्यक्षराणि । एतस्यैव सूर्यस्याष्टाक्षरो मनुः ।
यः सदाहरहर्जपति स वै ब्राह्मणो भवति स वै ब्राह्मणो भवति । सूर्याभिमुखो जप्त्वा महाव्याधि भयात्प्रमुच्यते । अलक्ष्मीर्नश्यति । अभक्ष्य भक्षणात्पूतो भवति । अगम्यागमनात्पूतो भवति । पतित सम्भाषणात्पूतो भवति । असत् सम्भाषणात्पूतो भवति । असत् सम्भाषणात्पूतो भवति ।
मध्याह्ने सूर्याभिमुखः पठेत् । सद्योत्पन्नपञ्चमहापातकात्प्रमुच्यते । सैषा सावित्रीं विद्यां न किञ्चिदपि न कस्मैचित्प्रशंसयेत् । य एतां महाभागः प्रातः पठति स भाग्यवान् जायते पशून्विन्दति । वेदार्थं लभते । त्रिकालमेतज्जप्त्वा क्रतुशतफलमवाप्नोति । हस्तादित्ये जपति स महामृत्युं तरति स महामृत्युं तरति य एवं वेद । इत्युपनिषत् ।
ॐ भद्रं कर्णेभिः शृणुयाम देवाः । भद्रं पश्येमाक्षभिर्यजत्राः । स्थिरैरङ्गैस्तुष्टुवाग्ं सस्तनूभिः । व्यशेम देवहितं यदायुः । स्वस्ति न इन्द्रो वृद्धश्रवाः । स्वस्ति नः पूषा विश्वेदेवाः । स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥
ॐ शान्तिः शान्तिः शान्तिः ॥