ಶ್ರೀ ಶಂಕರಭಗವತ್ಪಾದ ಷೋಡಶೋಪಚಾರ ಪೂಜಾ

**ಪುನಃ ಸಂಕಲ್ಪಂ –**

ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ವೈದಿಕಮಾರ್ಗ ಪ್ರತಿಷ್ಠಾಪಕಾನಾಂ ಜಗದ್ಗುರೂಣಾಂ ಶ್ರೀಶಂಕರಭಗವತ್ಪಾದಪೂಜಾಂ ಕರಿಷ್ಯೇ

**ಧ್ಯಾನಮ್ –**

ಶ್ರುತಿಸ್ಮೃತಿಪುರಾಣಾನಾಮಾಲಯಂ ಕರುಣಾಲಯಮ್ |

ನಮಾಮಿ ಭಗವತ್ಪಾದಶಂಕರಂ ಲೋಕಶಂಕರಮ್ ||

ಅಸ್ಮಿನ್ ಬಿಂಬೇ ಶ್ರೀಶಂಕರಭಗವತ್ಪಾದಂ ಧ್ಯಾಯಾಮಿ

**ಆವಾಹನಮ್ –**

ಯಮಾಶ್ರಿತಾ ಗಿರಾಂ ದೇವೀ ನಂದಯತ್ಯಾತ್ಮಸಂಶ್ರಿತಾನ್ |

ತಮಾಶ್ರಯೇ ಶ್ರಿಯಾ ಜುಷ್ಟಂ ಶಂಕರಂ ಕರುಣಾನಿಧಿಮ್ ||

ಶ್ರೀಶಂಕರಭಗವತ್ಪಾದಮಾವಾಹಯಾಮಿ

**ಆಸನಮ್ –**

ಶ್ರೀಗುರುಂ ಭಗವತ್ಪಾದಂ ಶರಣ್ಯಂ ಭಕ್ತವತ್ಸಲಮ್ |

ಶಿವಂ ಶಿವಕರಂ ಶುದ್ಧಮಪ್ರಮೇಯಂ ನಮಾಮ್ಯಹಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಆಸನಂ ಸಮರ್ಪಯಾಮಿ

**ಪೂರ್ಣಕುಂಭಪ್ರದಾನಮ್ –**

ನಿತ್ಯಂ ಶುದ್ಧಂ ನಿರಾಕಾರಂ ನಿರಾಭಾಸಂ ನಿರಂಜನಮ್ |

ನಿತ್ಯಬೋಧಂ ಚಿದಾನಂದಂ ಗುರುಂ ಬ್ರಹ್ಮ ನಮಾಮ್ಯಹಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಪೂರ್ಣಕುಂಭಂ ಸಮರ್ಪಯಾಮಿ

**ಪಾದ್ಯಮ್ –**

ಸರ್ವತಂತ್ರಸ್ವತಂತ್ರಾಯ ಸದಾತ್ಮಾದ್ವೈತರೂಪಿಣೇ |

ಶ್ರೀಮತೇ ಶಂಕರಾರ್ಯಾಯ ವೇದಾಂತಗುರವೇ ನಮಃ ||

ಶ್ರೀಶಂಕರಭಗವತ್ಪಾದಾಯ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ

**ಅರ್ಘ್ಯಮ್ –**

ವೇದಾಂತಾರ್ಥಾಭಿಧಾನೇನ ಸರ್ವಾನುಗ್ರಹಕಾರಿಣಮ್ |

ಯತಿರೂಪಧರಂ ವಂದೇ ಶಂಕರಂ ಲೋಕಶಂಕರಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ

**ಆಚಮನೀಯಮ್ –**

ಸಂಸಾರಾಬ್ಧಿನಿಷಂಣಾಜ್ಞನಿಕರಪ್ರೋದ್ದಿಧೀರ್ಷಯಾ |

ಕೃತಸಂಹನನಂ ವಂದೇ ಭಗವತ್ಪಾದಶಂಕರಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಆಚಮನೀಯಂ ಸಮರ್ಪಯಾಮಿ

**ಸ್ನಾನಮ್ –**

ಯತ್ಪಾದಪಂಕಜಧ್ಯಾನಾತ್ ತೋಟಕಾದ್ಯಾ ಯತೀಶ್ವರಾಃ |

ಬಭೂವುಸ್ತಾದೃಶಂ ವಂದೇ ಶಂಕರಂ ಷಣ್ಮತೇಶ್ವರಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಸ್ನಾಪಯಾಮಿ |

ಸ್ನಾನಾನಂತರಂ ಆಚಮನೀಯಂ ಸಮರ್ಪಯಾಮಿ

**ವಸ್ತ್ರಮ್ –**

ನಮಃ ಶ್ರೀಶಂಕರಾಚಾರ್ಯಗುರವೇ ಶಂಕರಾತ್ಮನೇ |

ಶರೀರಿಣಾಂ ಶಂಕರಾಯ ಶಂಕರಜ್ಞಾನಹೇತವೇ ||

ಶ್ರೀಶಂಕರಭಗವತ್ಪಾದಾಯ ನಮಃ ವಸ್ತ್ರಂ ಸಮರ್ಪಯಾಮಿ

**ಉಪವೀತಮ್ –**

ಹರಲೀಲಾವತಾರಾಯ ಶಂಕರಾಯ ವರೌಜಸೇ |

ಕೈವಲ್ಯಕಲನಾಕಲ್ಪತರವೇ ಗುರವೇ ನಮಃ ||

ಶ್ರೀಶಂಕರಭಗವತ್ಪಾದಾಯ ನಮಃ ಉಪವೀತಂ ಸಮರ್ಪಯಾಮಿ

**ರುದ್ರಾಕ್ಷಮಾಲಾ (ಆಭರಣಮ್) –**

ವಿಚಾರ್ಯಂ ಸರ್ವವೇದಾಂತೈಃ ಸಂಚಾರ್ಯಂ ಹೃದಯಾಂಬುಜೇ |

ಪ್ರಚಾರ್ಯಂ ಸರ್ವಲೋಕೇಷು ಆಚಾರ್ಯಂ ಶಂಕರಂ ಭಜೇ ||

ಶ್ರೀಶಂಕರಭಗವತ್ಪಾದಾಯ ನಮಃ ರುದ್ರಾಕ್ಷಮಾಲಾಂ ಸಮರ್ಪಯಾಮಿ

**ಗಂಧಮ್ –**

ಯಾಽನುಭೂತಿಃ ಸ್ವಯಂಜ್ಯೋತಿರಾದಿತ್ಯೇಶಾನವಿಗ್ರಹಾ |

ಶಂಕರಾಖ್ಯಾ ಚ ತಂನೌಮಿ ಸುರೇಶ್ವರಗುರುಂ ಪರಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಗಂಧ ಭಸ್ಮಾದಿಕಂ ಸಮರ್ಪಯಾಮಿ

**ದಂಡಮ್ –**

ಆನಂದಘನಮದ್ವಂದಂ ನಿರ್ವಿಕಾರಂ ನಿರಂಜನಮ್ |

ಭಜೇಽಹಂ ಭಗವತ್ಪಾದಂ ಭಜತಾಮಭಯಪ್ರದಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ದಂಡಂ ಸಮರ್ಪಯಾಮಿ

**ಅಕ್ಷತಾನ್ –**

ತಂ ವಂದೇ ಶಂಕರಾಚಾರ್ಯಂ ಲೋಕತ್ರಿತಯಶಂಕರಮ್ |

ಸತ್ತರ್ಕನಖರೋದ್ಗೀರ್ಣ ವಾವದೂಕಮತಂಗಜಮ್ |

ಶ್ರೀಶಂಕರಭಗವತ್ಪಾದಾಯ ನಮಃ ಅಕ್ಷತಾನ್ ಸಮರ್ಪಯಾಮಿ

**ಪುಷ್ಪಮಾಲಾ –**

ನಮಾಮಿ ಶಂಕರಾಚಾರ್ಯಗುರುಪಾದಸರೋರುಹಮ್ |

ಯಸ್ಯ ಪ್ರಸಾದಾನ್ಮೂಢೋಽಪಿ ಸರ್ವಜ್ಞೋ ಭವತಿ ಸ್ವಯಮ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಪುಷ್ಪಮಾಲಾಂ ಸಮರ್ಪಯಾಮಿ

**ಅಷ್ಟೋತ್ತರಶತನಾಮ ಪೂಜಾ –**

ಓಂ ಶ್ರೀಶಂಕರಾಯ ನಮಃ |

ಓಂ ಭಗವತ್ಪಾದಾಯ ನಮಃ

ಓಂ ಪೂರ್ಣಬೋಧಾಯ ನಮಃ |

ಓಂ ಯೋಗಿನೇ ನಮಃ

ಓಂ ವಾಗ್ವಿಶಾರದಾಯ ನಮಃ |

ಓಂ ವಾಗ್ದೇವತಾತ್ಮನೇ ನಮಃ

ಓಂ ಜ್ಞಾನಭಾಸ್ಕರಾಯ ನಮಃ |

ಓಂ ಜ್ಞಾನವತೇ ನಮಃ

ಓಂ ಕಾಮಧೇನುಸಮಪ್ರಭಾಯ ನಮಃ |

ಓಂ ಕಲ್ಪವೃಕ್ಷಪ್ರತೀಕಾಯ ನಮಃ

ಓಂ ಶಿಷ್ಯವತ್ಸಲಾಯ ನಮಃ |

ಓಂ ಗುರುಭಕ್ತಾಯ ನಮಃ

ಓಂ ಆತ್ಮಬೋಧಕರ್ತ್ರೇ ನಮಃ |

ಓಂ ಉಪದೇಶಸಾಹಸ್ರಿಕರ್ತ್ರೇ ನಮಃ

ಓಂ ಪಂಚೀಕರಣಕರ್ತ್ರೇ ನಮಃ |

ಓಂ ಲಲಿತಾತ್ರಿಶತಿಭಾಷ್ಯಕಾರಾಯ ನಮಃ

ಓಂ ಚಾರುಪಾದುಕಾಯ ನಮಃ |

ಓಂ ಪಾದುಕಾಪೂಜಕಾಯ ನಮಃ

ಓಂ ಪುಣ್ಯಮೂರ್ತಯೇ ನಮಃ |

ಓಂ ಪುಣ್ಯಶ್ಲೋಕಾಯ ನಮಃ

ಓಂ ಸರ್ವತಂತ್ರಸ್ವತಂತ್ರಾಯ ನಮಃ |

ಓಂ ಸರ್ವಶಾಸ್ತ್ರಪಾರಗಾಯ ನಮಃ

ಓಂ ಸನ್ಮತಿದಾತ್ರೇ ನಮಃ |

ಓಂ ಸಜ್ಜನಪೋಷಕಾಯ ನಮಃ

**ಧೂಪಮ್ –**

ಸಂಸಾರಸಾಗರಂ ಘೋರಂ ಅನಂತಕ್ಲೇಶಭಾಜನಮ್ |

ತ್ವಾಮೇವ ಶರಣಂ ಪ್ರಾಪ್ಯ ನಿಸ್ತರಂತಿ ಮನೀಷಿಣಃ ||

ಶ್ರೀಶಂಕರಭಗವತ್ಪಾದಾಯ ನಮಃ ಧೂಪಮಾಘ್ರಾಪಯಾಮಿ

**ದೀಪಮ್ –**

ನಮಸ್ತಸ್ಮೈ ಭಗವತೇ ಶಂಕರಾಚಾರ್ಯರೂಪಿಣೇ |

ಯೇನ ವೇದಾಂತವಿದ್ಯೇಯಂ ಉದ್ಧೃತಾ ವೇದಸಾಗರಾತ್ ||

ಶ್ರೀಶಂಕರಭಗವತ್ಪಾದಾಯ ನಮಃ ದೀಪಂ ದರ್ಶಯಾಮಿ

**ನೈವೇದ್ಯಮ್ –**

ಭಗವತ್ಪಾದಪಾದಾಬ್ಜಪಾಂಸವಃ ಸಂತು ಸಂತತಮ್ |

ಅಪಾರಾಸಾರ ಸಂಸಾರಸಾಗರೋತ್ತಾರ ಸೇತವಃ ||

ಶ್ರೀಶಂಕರಭಗವತ್ಪಾದಾಯ ನಮಃ ಮಹಾನೈವೇದ್ಯಂ ನಿವೇದಯಾಮಿ |

ನಿವೇದನಾನಂತರಂ ಆಚಮನೀಯಂ ಸಮರ್ಪಯಾಮಿ |

ಹಸ್ತಪ್ರಕ್ಷಾಳನ ಪಾದಪ್ರಕ್ಷಾಳನಾದಿಕಂ ಸಮರ್ಪಯಾಮಿ |

ತಾಂಬೂಲಂ ಸಮರ್ಪಯಾಮಿ

**ನೀರಾಜನಮ್ –**

ಅಜ್ಞಾನತಿಮಿರಾಂಧಸ್ಯ ಜ್ಞಾನಾಂಜನಶಲಾಕಯಾ |

ಚಕ್ಷುರುನ್ಮೀಲಿತಂ ಯೇನ ತಸ್ಮೈ ಶ್ರೀಗುರವೇ ನಮಃ ||

ಶ್ರೀಶಂಕರಭಗವತ್ಪಾದಾಯ ನಮಃ ಕರ್ಪೂರನೀರಾಜನಂ ದರ್ಶಯಾಮಿ |

ನೀರಾಜನಾನಂತರಂ ಆಚಮನೀಯಂ ಸಮರ್ಪಯಾಮಿ

**ಪ್ರದಕ್ಷಿಣ –**

ಆಚಾರ್ಯಾನ್ ಭಗವತ್ಪಾದಾನ್ ಷಣ್ಮತಸ್ಥಾಪಕಾನ್ ಹಿತಾನ್ |

ಪರಹಂಸಾಂನುಮೋಽದ್ವೈತಸ್ಥಾಪಕಾನ್ ಜಗತೋ ಗುರೂನ್ ||

ಶ್ರೀಶಂಕರಭಗವತ್ಪಾದಾಯ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ

**ಪ್ರಾರ್ಥನಾ –**

ಗುರುರ್ಬ್ರಹ್ಮಾ ಗುರುರ್ವಿಷ್ಣುರ್ಗುರುರ್ದೇವೋ ಮಹೇಶ್ವರಃ |

ಗುರುರೇವ ಪರಂ ಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ |

ಅಖಂಡಮಂಡಲಾಕಾರಂ ವ್ಯಾಪ್ತಂ ಯೇನ ಚರಾಚರಮ್ |

ತತ್ಪದಂ ದರ್ಶಿತಂ ಯೇನ ತಸ್ಮೈ ಶ್ರೀಗುರವೇ ನಮಃ |

ಅನೇಕಜನ್ಮ ಸಂಪ್ರಾಪ್ತ ಕರ್ಮಬಂಧ ವಿದಾಹಿನೇ |

ಆತ್ಮಜ್ಞಾನ ಪ್ರದಾನೇನ ತಸ್ಮೈ ಶ್ರೀಗುರವೇ ನಮಃ |

ವಿಶುದ್ಧ ವಿಜ್ಞಾನಘನಂ ಶುಚಿಹಾರ್ದಂ ತಮೋನುದಮ್ |

ದಯಾಸಿಂಧುಂ ಲೋಕಬಂಧುಂ ಶಂಕರಂ ನೌಮಿ ಸದ್ಗುರುಮ್ |

ದೇಹಬುದ್ಧ್ಯಾ ತು ದಾಸೋಽಸ್ಮಿ ಜೀವಬುದ್ಧ್ಯಾ ತ್ವದಂಶಕಃ |

ಆತ್ಮಬುದ್ಧ್ಯಾ ತ್ವಮೇವಾಹಮಿತಿ ಮೇ ನಿಶ್ಚಿತಾ ಮತಿಃ |

ಏಕಃ ಶಾಖೀ ಶಂಕರಾಖ್ಯಶ್ಚತುರ್ಧಾ

ಸ್ಥಾನಂ ಭೇಜೇ ತಾಪಶಾಂತ್ಯೈ ಜನಾನಾಮ್ |

ಶಿಷ್ಯಸ್ಕಂಧೈಃ ಶಿಷ್ಯ ಶಾಖೈರ್ಮಹದ್ಭಿಃ

ಜ್ಞಾನಂ ಪುಷ್ಪಂ ಯತ್ರ ಮೋಕ್ಷಃ ಪ್ರಸೂತಿಃ |

ಗಾಮಾಕ್ರಮ್ಯ ಪದೇಽಧಿಕಾಂಚಿ ನಿಬಿಡಂ ಸ್ಕಂಧೈಶ್ಚತುರ್ಭಿಸ್ತಥಾ

ವ್ಯಾವೃಣ್ವನ್ ಭುವನಾಂತರಂ ಪರಿಹರಂಸ್ತಾಪಂ ಸಮೋಹಜ್ವರಮ್ |

ಯಃ ಶಾಖೀ ದ್ವಿಜಸಂಸ್ತುತಃ ಫಲತಿ ತತ್ ಸ್ವಾದ್ಯಂ ರಸಾಖ್ಯಂ ಫಲಂ

ತಸ್ಮೈ ಶಂಕರಪಾದಾಯ ಮಹತೇ ತನ್ಮಃ ತ್ರಿಸಂಧ್ಯಂ ನಮಃ |

**ಗುರುಪಾದೋದಕಪ್ರಾಶನಮ್ –**

ಅವಿದ್ಯಾಮೂಲನಾಶಾಯ ಜನ್ಮಕರ್ಮನಿವೃತ್ತಯೇ |

ಜ್ಞಾನವೈರಾಗ್ಯಸಿದ್ಧ್ಯರ್ಥಂ ಗುರುಪಾದೋದಕಂ ಶುಭಮ್ ||

ಗುರುಪಾದೋದಕಂ ಪ್ರಾಶಯಾಮಿ

**ಸಮರ್ಪಣಮ್ –**

ಕಾಯೇನ ವಾಚಾ ಮನಸೇಂದ್ರಿಯೈರ್ವಾ

ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ |

ಕರೋಮಿ ಯದ್ಯತ್ ಸಕಲಂ ಪರಸ್ಮೈ

ನಾರಾಯಣಾಯೇತಿ ಸಮರ್ಪಯಾಮಿ |

ಅನಯಾ ಪೂಜಯಾ ಸರ್ವದೇವಾತ್ಮಕಃ ಭಗವಾನ್ ಶ್ರೀಜಗದ್ಗುರುಃ ಪ್ರೀಯತಾಮ್ |

ಓಂ ತತ್ ಸತ್ |