Sri Chandra Stotram 3
Dhyana -
shvetaambharojjvalatanu sitamaalyagandham |
shvetaashvayuktarathagam surasevitaamghrim || 1 ||
dorbhyaam dhrutaabhayagadam varadam sudhaamshum
shrivatsamauktikadharan pranamaami chandram || 1 ||
aagneyabhaage saratho dashaashva-
-shchaatreyajo yaamunadeshajashcha || 2 ||
pratyangmukhashtha caturashrapeethe
gadaadharo no'vatu rohiniishah || 2 ||
Atha stotram -
chandram namaami varadam shankarasya vibhushanam |
kalaanidhiim kaantiirupam keyuuramakutojjvalam || 3 ||
varadam vandyacharanam vaasudevasya locanam |
vasudhaahlaadanakaram vidhum tam pranamaamyaham || 4 ||
shvetamaalyaambaradharan shvetagandhaanulepanam |
shvetchattroullasanmaulim shashinam pranamaamyaham || 5 ||
sarvam jagajjivayasi sudhaarasamayaih karaih |
soma dehi mamaarogyam sudhaapuritamandalam || 6 ||
raajaatvaam braahmananaam ca ramayaa api sodarah |
raajaa naathashchaoushiidhiinaam raksha maam rajaniikarah || 7 ||
shankarasya shiroratnam shaarnginashca locanam |
taarakaanaamadheesastvam taarayaasmaanmahaapadah || 8 ||
kalyaanamuurte varada karunaarasavaaridhe |
kalashodadhisanjaatakalaanaatha kripaam kuru || 9 ||
kshiiraarnavasamudbuuta cintaamanisahodbhava |
kaamitaarthaan pradehi tvam kalpadrumasahodarah || 10 ||
shvetaambarah shvetavibhushaaadhyo
gadaadharah shetarucirdvibaahuh || 11 ||
chandrah sudhaatmaa varadah kiriitei
shreyaamsi mahyam pradadaatu devah || 11 ||
idam nishaakarastotram yah pateh pratyaham narah |
upadravaat sa mucyeta naatra kaaryaa vichaaraanaa || 12 ||
See the Sanskrit source
Sanskrit source
ध्यानम्
श्वेताम्बरोज्ज्वलतनुं सितमाल्यगन्धं
श्वेताश्वयुक्तरथम् सुरसेवितांघ्रिम् |
दोर्भ्यां धृताभयगदं वरदं सुधांशुं
श्रीवत्समौक्तिकधरं प्रणमामि चन्द्रम् || १ ||
आग्नेयभागे सरथो दशाश्व-
-श्चात्रेयजो यामुनदेशजश्च |
प्रत्यङ्मुखस्थश्चतुरश्रपीठे
गदाधरो नोऽवतु रोहिणीशः || २ ||
स्तोत्रम्
चन्द्रं नमामि वरदं शङ्करस्य विभूषणम् |
कलानिधिं कान्तिरूपं केयूरमकुटोज्वलम् || ३ ||
वरदं वन्द्यचरणं वासुदेवस्य लोचनम् |
वसुधाह्लादनकरं विधुं तं प्रणमाम्यहम् || ४ ||
श्वेतमाल्याम्बरधरं श्वेतगन्धानुलेपनम् |
श्वेतच्छत्रोल्लसन्मौलिं शशिनं प्रणमाम्यहम् || ५ ||
सर्वं जगज्जीवयसि सुधारसमयैः करैः |
सोम देहि ममारोग्यं सुधापूरितमण्डलम् || ६ ||
राजा त्वं ब्राह्मणानां च रमाया अपि सोदरः |
राजा नाथश्चौषधीनां रक्ष मां रजनीकर || ७ ||
शङ्करस्य शिरोरत्नं शार्ङ्गिणश्च विलोचनम् |
तारकाणामधीशस्त्वं तारयाऽस्मान्महापदः || ८ ||
कल्याणमूर्ते वरद करुणारसवारिधे |
कलशोदधिसंजातकलानाथ कृपां कुरु || ९ ||
क्षीरार्णवसमुद्भूत चिन्तामणिसहोद्भव |
कामितार्थान् प्रदेहि त्वं कल्पद्रुमसहोदर || १० ||
श्वेताम्बरः श्वेतविभूषणाढ्यो
गदाधरः श्वेतरुचिर्द्विबाहुः |
चन्द्रः सुधात्मा वरदः किरीटी
श्रेयांसि मह्यं प्रददातु देवः || ११ ||
इदं निशाकरस्तोत्रं यः पठेत् प्रत्यहं नरः |
उपद्रवात् स मुच्येत नात्र कार्या विचारणा || १२ ||