Riddhi Stava
shrimanvrishabhailesa vardhataam vijee bhavaan |
divyam tvadeeyamaishvaryam nirmaaryaadam vijmbhataam || 1 ||
deveebhausha ayudhairnityairmuktairmokshaikalakshanaih |
sattvottaraistvadeeyaisha sangah staatarasastava || 2 ||
praarakagopuravapraasaadamanimantapaah |
shalimudgatiladeenaam shaalah shailakulojjvalaah || 3 ||
ratnakaancanakausheya kshoumakramukashaalikaah |
shayyaagruhaani paryankavaryaah sthuulaasanani ca || 4 ||
kanatkanakabhrngaara patadgrahakalaacikaa |
chatraacaaramukhyaashca santu nityaah paricchadaah || 5 ||
astu nistulamavyagran nityamabhyarchanam tava |
pakse pakse vivardhantaam maasimaaasi mahotsavaah || 6 ||
manikaancanitraani bhaushanaanyambaraani ca |
kaashmirasaarakastooke rkarpuuraadyanulepanam || 7 ||
komalaani ca daamaani kusamih saurabhautkaraaih |
dhuupaah karpuuradeepaashca santu santatameva te || 8 ||
nattageetayutam vaadyam nityamatra vivardhataam |
shrotreshu sudhaadhaaraah kalpantaam kaahaleesvanaah || 9 ||
kandamoolaphalodagam kaalekaale catuavidham |
suupaapuupaghrtaksheeara arkaasahitam havih || 10 ||
ghanasaearashilodagraih kramukaash tadalaaih saha |
vimalaani ca taambhoole edalaani sveekuru prabho || 11 ||
preetibhitiyuto bhu yaadbhu yaan parijanastava |
bhaktimanto bhajantutvaam puraa jaanapadaastathaa || 12 ||
dharaaneedhararatnaani vitaramantu ciram tava |
kaikaryamakhilam sarve kurvantu kshonipaalaakah || 13 ||
premadigdadrishah svairam prekshamaanaastvadaan anam |
mahaantah santatam santo mangalaani prayunjataam || 14 ||
evameva bhavenityam palayana kusalee bhavaan |
maamaahirama shrmaan vardhataamabhivardhataam || 15 ||
patyuh pratyahamittham yah praarthayeta samucchrayam |
prasaadasumukhah shrmaan pashyatyenaam parah pumaan || 16 ||
See the Sanskrit source
Sanskrit source
श्रीमन्वृषभशैलेश वर्धतां विजयी भवान् |
दिव्यं त्वदीयमैश्वर्यं निर्मर्यादं विजृम्भताम् || १ ||
देवीभूषायुधैर्नित्यैर्मुक्तैर्मोक्षैकलक्षणैः |
सत्त्वोत्तरैस्त्वदीयैश्च सङ्गः स्तात्सरसस्तव || २ ||
प्राकारगोपुरवरप्रासादमणिमण्टपाः |
शालिमुद्गतिलादीनां शालाः शैलकुलोज्ज्वलाः || ३ ||
रत्नकाञ्चनकौशेयक्षौमक्रमुकशालिकाः |
शय्यागृहाणि पर्यङ्कवर्याः स्थूलासनानि च || ४ ||
कनत्कनकभृङ्गारपतद्ग्रहकलाचिकाः |
छत्रचामरमुख्याश्च सन्तु नित्याः परिच्छदाः || ५ ||
अस्तु निस्तुलमव्यग्रं नित्यमभ्यर्चनं तव |
पक्षेपक्षे विवर्धन्तां मासिमासि महोत्सवाः || ६ ||
मणिकाञ्चनचित्राणि भूषणान्यम्बराणि च |
काश्मीरसारकस्तूरीकर्पूराद्यनुलेपनम् || ७ ||
कोमलानि च दामानि कुसुमैः सौरभोत्करैः |
धूपाः कर्पूरदीपाश्च सन्तु संततमेव ते || ८ ||
नृत्तगीतयुतं वाद्यं नित्यमत्र विवर्धताम् |
श्रोत्रेषु सुधाधाराः कल्पन्तां काहलीस्वनाः || ९ ||
कन्दमूलफलोदग्रं कालेकाले चतुर्विधम् |
सूपापूपघृतक्षीरशर्करासहितं हविः || १० ||
घनसारशिलोदग्रैः क्रमुकाष्टदलैः सह |
विमलानि च ताम्बूलीदलानि स्वीकुरु प्रभो || ११ ||
प्रीतिभीतियुतो भूयाद्भूयान् परिजनस्तव |
भक्तिमन्तो भजन्तु त्वां पौरा जानपदास्तथा || १२ ||
धरणीधनरत्नानि वितरन्तु चिरं तव |
कैंकर्यमखिलं सर्वे कुर्वन्तु क्षोणिपालकाः || १३ ||
प्रेमदिग्धदृशः स्वैरं प्रेक्षमाणास्त्वदाननम् |
महान्तः सन्ततं सन्तो मङ्गलानि प्रयुञ्जताम् || १४ ||
एवमेव भवेन्नित्यं पालयन् कुशली भवान् |
मामहीरमण श्रीमान् वर्धतामभिवर्धताम् || १५ ||
पत्युः प्रत्यहमित्थं यः प्रार्थयेत समुच्छ्रयम् |
प्रसादसुमुखः श्रीमान् पश्यत्येनं परः पुमान् || १६ ||