ಅದ್ವೈತಲಕ್ಷಣಂ

ಅಜ್ಞಾನಮೇತದ್ದ್ವೈತಾಖ್ಯಮದ್ವೈತಂ ಶ್ರೇಯಸಾಮ್ಪರಮ್

ಮಮ ತ್ವಹಮಿತಿ ಪ್ರಜ್ಞಾವಿಯುಕ್ತಮಿತಿ ಕಲ್ಪವತ್ || ೧ ||

ಅವಿಕಾರ್ಯಮನಾಖ್ಯೇಯಮದ್ವೈತಮನುಭೂಯತೇ

ಮನೋವೃತ್ತಿಮಯಂ ದ್ವೈತಮದ್ವೈತಂ ಪರಮಾರ್ಥತಃ || ೨ ||

ಮನಸೋ ವೃತ್ತಯಸ್ತಸ್ಮಾದ್ಧರ್ಮಾಧರ್ಮನಿಮಿತ್ತಜಾಃ

ನಿರೋದ್ಧವ್ಯಾಸ್ತಂನಿರೋಧೇನಾದ್ವೈತಂ ನೋಪಪದ್ಯತೇ || ೩ ||

ಮನೋದೃಷ್ಟಮಿದಂ ಸರ್ವಂ ಯತ್ಕಿಂಚಿತ್ಸದರಾಚರಮ್

ಮನಸೋ ಹ್ಯಮನೀಭಾವೇಽದ್ವೈತಭಾವಂ ತದಾಪ್ನುಯಾತ್ || ೪ ||

ಬಹಿಃ ಪ್ರಜ್ಞಾಂ ಸದೋತ್ಸೃಜ್ಯಾಪ್ಯಂತಃ ಪ್ರಜ್ಞಾಂ ಚ ಯೋ ಬುಧಃ

ಕಯಾಪಿ ಪ್ರಜ್ಞಯೋಪೇತಃ ಪ್ರಜ್ಞಾವಾನಿತಿ ಕಥ್ಯತೇ || ೫ ||

ಕರ್ಮಣೋ ಭಾವನಾಚೇಯಂ ಸಾ ಬ್ರಹ್ಮಪರಿಪಂಥಿನೀ

ಕರ್ಮಭಾವನಯಾ ತುಲ್ಯಂ ವಿಜ್ಞಾನಮುಪಜಾಯತೇ || ೬ ||